Ma'lumki, O‘zbekiston Respublikasi Prezidentining 2026-yil 16-fevraldagi “Mamlakat taraqqiyotining 2030-yilgacha mo‘ljallangan ustuvor yo‘nalishlari doirasida islohotlarni izchil davom ettirish va yangi bosqichga olib chiqishning qo‘shimcha chora-tadbirlari to‘g‘risida”gi PF-21-son Farmoni 1-ilovasi 436-bandida joriy yilda do‘stlik jamiyatlari sonini 50 taga yetkazish vazifasi belgilangan.

⏺Bugun Islom sivilizatsiyasi markazida "Oʻzbekiston-Saudiya Arabistoni" doʻstlik jamiyatining birinchi ta’sis majlisi bo‘lib oʻtdi.

⏺“O‘zbekiston-Saudiya Arabistoni” do‘stlik jamiyati raisi etib Islom sivilizatsiyasi markazi direktori F.F.Abduxoliqov saylandi. Shuningdek, ta’sis majlisi davomida jamiyatning ikki mamlakat o‘rtasidagi madaniyat, ta'lim, sport va turizm sohalaridagi hamkorlikni yangi bosqichga olib chiqish borasidagi istiqboldagi vazifalari muhokama qilindi.

Yangi tashkil etilgan "Oʻzbekiston-Saudiya Arabistoni" doʻstlik jamiyati xalqlarimiz o‘rtasida do‘stlik, tinchlik va hamjihatlik rishtalarini yanada mustahkamlashga xizmat qilishi shubhasiz.