O’zbekiston Respublikasi Millatlararo munosabatlar va xorijdagi vatandoshlar masalalari bo’yicha qo‘mitasi, Birodar shaharlar alyansi, “O‘zbekiston-Latviya” do‘stlik jamiyati hamkorligida 16-noyabr – Xalqaro bag‘rikenglik kuni va Latviya Respublikasining mustaqillik kuniga bag‘ishlangan davra suhbati bo’lib o’tdi.

Tadbirda Qo’mita raisi K. Sariyev, Latviyaning O’zbekistondagi elchisi Girts Yaunzems, shuningdek Birodar shaharlar alyansi, “O‘zbekiston-Latviya” do‘stlik jamiyati rahbariyati va xodimlari, Toshkent, Riga, Samarqand va Yurmala shahar hokimliklari vakillari  (zoom orqali), keng jamoatchilik ishtirok etdi.

Tadbirda ikki mamlakat o‘rtasidagi do‘stlik, o‘zaro hurmat va ishonch muhitini yanada mustahkamlash maqsadida ikki davlat o‘rtasidagi barqaror hamkorlik, turizm, madaniy almashinuv, iqtisodiy va ta’lim borasidagi loyihalarni rivojlantirish masalalari muhokama qilindi.